ඉන්දියාවේ කේරළයේ Aadithyan Rajesh කියන්නේ අඩු වයසෙදිම තාක්ෂණ ලෝකය ජයග්‍රහණය කළ තරුණ IT ව්‍යවසායකයෙක්. දැන් ඔහු ඩුබායි වල ජීවත් වෙමින්, Trinet Solutions නමින් සමාගමක් ආරම්භ කරලා තියෙනවා. මේ සමාගමෙන් කරන්නෙ වෙබ් ඩිසයින් සහ සොෆ්ට්වෙයා සංවර්ධනය පිළිබඳ සේවා ලබාදෙන එකයි.

Aadithyanගේ තාක්ෂණය පිළිබඳ ආසාව ඔහු අවුරුදු 5 දී ඇරඹුන එකක්. ඔහුගේ තාත්තා BBC Typing වෙබ්සයිට් එක හඳුන්වාදීමත් සමඟ ඔහුට තාක්ෂණය ගැන උනන්දුව ඇති වී තිබෙනවා. අවුරුදු 9දි ඔහු පළමු මොබයිල් ඇප් එක නිර්මාණය කරලා තියෙනවා. ඊටත් වඩා විශේෂ වන්නෙ, ඔහු වයස 13 දී Trinet Solutions සමාගම ආරම්භ කර තිබීමයි.

මෙම සමාගම තුළ ඔහු වෙබ්සයිට් සහ මොබයිල් ඇප්, සහ විවිධ IT විසඳුම් ලබාදෙනවා. Aadithyanට සොෆ්ට්වෙයා සාදනවා වගේම ලෝගෝ සහ වෙබ්සයිට් ඩිසයින් වැනි ක්ෂේත්‍රවලත් දක්ෂතා තිබෙනවා. ඒ අතරේ ඔහු ‘A Craze’ කියන YouTube චැනලයකුත් පවත්වාගෙන යනවා. එහි ඔහු තාක්ෂණය, කෝඩින්, ගේම්ස්, සහ වෙබ් ඩිසයින් පිළිබඳ ඉගැන්වීම් කරනවා. ඔහු ඉදිරියට Android ඇප් සංවර්ධනය සදහා පාඩම් ලබාදීමටත් සැලසුම් කර තිබෙන බවටයි ඔහු පවසන්නේ. ඔහුගේ ළමා සහෝදරියත් මේ වැඩ වලට එක්වී, වීඩියෝ නිෂ්පාදනයෙන් උදව් කරනවා.

Aadithyanගේ Trinet Solutions සමාගම තවමත් ලියාපදිංචි වී නැති උණද, ඔහු පාසල් මිතුරන් තුන්දෙනෙකු එක්ක එකතුවෙලා 12කට වැඩි ගනුදෙනුකරුවන් ප්‍රමාණයකට සේවා සපයනු ලබයි.

Aadithyanගේ සිහිනය වන්නේ Trinet Solutions ගෝලීයව පුළුල් කරලා, iOS ඇප් සංවර්ධනය කිරීමට. ඔහුගේ කතාවෙන් අපට කියන්නේ, වයස අඩුයි කියලා සීමා වෙන්න දෙයක් නැහැ. ඔයාගේ උනන්දුව, කැපවීම, සහ දක්ෂතා ඇතිනම්, ලොකුවටම යන්න පුළුවන් කියන එකයි! 🚀🔥