Microsoft සමාගම Skype සේවාව 2025 මැයි 5 වනදා සිට ස්ථිරව නවතා දමන බව නිල වශයෙන් ප්‍රකාශයට පත් කර තිබේ. මෙම තීරණයත් සමඟම, Skype භාවිතාකරුවන්ට Microsoft Teams වෙත මාරු වන ලෙස නිර්දේශ කරයි.

Microsoft Teams සේවාව හරහා Skype පරිශීලකයන්ට අවුරුදු ගණනාවක් භාවිතා කළ Credentials (ගිණුම් විස්තර) භාවිතා කරමින් පිවිසිය හැකි අතර, පරණ Skype ගිණුමේ සම්පුර්ණ contact list එක සහ chats සියල්ලම ස්වයංක්‍රීයව Microsoft Teams වෙත මාරු වනු ඇත.

Skype භාවිතා කිරීම නවතා දැමීම පිළිබඳව Microsoft විසින් දැනුම් දී ඇති අතර, Skype භාවිතා කළ පරිශීලකයන්ට පහසුකම් කිහිපයක් ලබා දී ඇත:
🔹 Chat History, Contacts, සහ Call History export කර ගත හැකිය
🔹 Teams භාවිතා නොකරන්නෙකුට ද Skype එකේදීම තවමත් කතා කළ හැකි වේ (Transition Period එකේදී)

Skype 2003 වසරේදී මුල් වරට නිකුත් වු අතර, විශේෂයෙන්ම COVID-19 සමයේදී වැඩි ප්‍රසිද්ධියක් දිනා ගත්තේය. නමුත් Microsoft විසින් Teams හඳුන්වාදීමත් සමඟ Skype අඩු ප්‍රචලිත සේවාවක් බවට පත්වී මෙහි අවසානය මේ වන විට තහවුරු වී ඇත.

Microsoft Teams මගින් Skype භාවිතය නවතා දමන අයට තවත් පුළුල් සේවාවක් සහ විශේෂාංගයක් සහිත නව digital communication platform එකක් ලෙස ඉදිරිපත් කිරීමට සැලසුම් කර ඇත.

Skype භාවිතාකරුවන්ට මෙම පරිවර්තන සමයේදී Microsoft Teams වෙත මාරු වීමට අවස්ථාව ලැබෙන අතර, 2025 මැයි 5 වනදා Skype නිල වශයෙන් වසා දැමේ. අනාගතයේදී Microsoft Teams මගින් නව සහ වැඩිදියුණු කළ Video Calling සහ Communication අත්දැකීමක් ලබාදීමට Microsoft සැලසුම් කර ඇත.

Advertisment