නව Pixel 10 දුරකථන පෙළ සමඟින් Google නැවත පැමිණ තිබෙනවා. Pixel 10, Pixel 10 Pro, Pixel 10 Pro XL, සහ Pixel 10 Pro Fold යන මාදිලි ඊට ඇතුළත්.
එහි බාහිර පෙනුම සුපුරුදු පරිදි කැමරා තීරුව රඳවාගෙන සිටින අතර, මෙහි සැබෑ කතාව වන්නේ Pixel හි “කාමරයේ සිටින වඩාත්ම බුද්ධිමත් දුරකථනය” යන කීර්ති නාමය තහවුරු කරන එහි අභ්‍යන්තර හා මෘදුකාංග වැඩිදියුණු කිරීම් වේ.
Pixel 10 එකේ තියෙන අලුත්ම දේවල්
මූලික මාදිලිය වන Pixel 10 එකට මේ පාර නියම අප්ඩේට් ටිකක් දීලා තියෙනවා. Glass Victus 2 දාලා හදපු ශක්තිමත් බඳට අමතරව, IP68 වතුරෙන් හා දූවිලෙන් ආරක්ෂාවත් තියෙනවා. හැබැයි මේකේ නියමම දේ තමයි කැමරා තුනක් එක්ක එන එක සහ “Pixelsnap” කියන අලුත් ෆීචර් එක.
- කැමරා තුනක්: මීට කලින් Pro මාදිලිවලට විතරක් තිබුණු කැමරා තුනේ සෙට් එක දැන් සාමාන්‍ය Pixel එකටත් ලැබිලා. මේකේ 48MP ප්‍රධාන කැමරාවක්, 13MP ultrawide කැමරාවක්, සහ 10MP 5x telephoto කැමරාවක් තියෙනවා.
- Pixelsnap: මේක තමයි Google එකේ අලුත් රැහැන් රහිත චාජිං තාක්ෂණය. චුම්බක යොදාගෙන කරන මේ Qi2 චාජිං එකෙන් 15W වේගයකින් ෆෝන් එක චාජ් කරන්න පුළුවන්. මේක iPhone එකේ MagSafe උපාංගවලටත් ගැළපෙන නිසා, ලෝකේ තියෙන බොහෝ magnetic උපාංග මේකට පාවිච්චි කරන්න පුළුවන්.
Pixel 10 Pro සහ Pro XL: තවත් සුපිරි වෙලා
වැඩි විශේෂාංග ඕන අයට Pro මාදිලි දෙක නියමයි.
- Pixel 10 Pro:
- ඩිස්ප්ලේ එක: මේකේ ඩිස්ප්ලේ එක ටිකක් වැඩි resolution එකක් තියෙන, දීප්තිමත් සහ 1-120Hz දක්වා refresh rate එක වෙනස් වෙන LTPO ඩිස්ප්ලේ එකක්.
- කැමරා: මෙහි කැමරා සෙන්සර් අප්ඩේට් කරලා තියෙනවා. 50MP ප්‍රධාන කැමරාවක්, 48MP ultrawide කැමරාවක්, සහ 48MP 5x telephoto කැමරාවක් තියෙනවා. AI පාවිච්චි කරලා 100x දක්වා zoom කරන්න පුළුවන් “Pro Res Zoom” කියන ෆීචර් එකත් මේකේ තියෙනවා.
- Pixel 10 Pro XL:
- පවර් සහ බැටරි: මේකේ 6.4-අඟල් ඩිස්ප්ලේ එකට අමතරව 5,200mAh ලොකු බැටරියක් තියෙනවා. wired චාජිං 45W එකටත්, wireless චාජිං 25W එකටත් සහය දක්වනවා.
Pixel 10 Pro Fold: දැන් තවත් ස්ට්‍රෝං
Google එකේ දෙවැනි foldable ෆෝන් එක මේක. මේකෙන් පලවෙනි එකේ තිබුණු අඩුපාඩු හදලා තියෙනවා.
- Hinge එක සහ ඩිසයින් එක: අලුත් gearless hinge එක නිසා මේක වහලා තියෙද්දි සාමාන්‍ය ෆෝන් එකක් වගේ පාවිච්චි කරන්න පුළුවන්.
- ආරක්ෂාව: ලෝකේ පළමු වතාවට මේ වගේ නැමෙන ෆෝන් එකක් IP68 දූවිලි හා වතුර ප්‍රතිරෝධී බවට පත් කරලා තියෙනවා.
අලුත්ම AI විශේෂාංග
අලුත් Tensor G5 චිප් එකෙන් මේ ෆෝන් වලට පවර් එක ලැබෙනවා. මේකේ ප්‍රධානම අවධානය යොමු වෙලා තියෙන්නේ AI සහ මෘදුකාංගවලට.
- Magic Cues: මේකෙන් ඔබගේ Google ගිණුමේ තොරතුරු (ඊමේල්, කැමලඩර්, වැනි) ස්මාර්ට් විදිහට පාවිච්චි කරලා ඔබට ඕන දේ කල්තියාම පෙන්නනවා. උදාහරණයක් විදිහට, යාළුවෙක් එක්ක චැට් කරද්දි, ඔබගේ ඊමේල් එකේ තියෙන රාත්‍රී කෑම වෙන් කිරීමක් ගැන තොරතුරු ඒ වෙලාවෙම පෙන්නනවා.
- Conversational Editing: මේක Google Photos වලට එන අලුත්ම විශේෂාංගයක්. ඡායාරූප සංස්කරණය කරන්න අපි සාමාන්‍යයෙන් කතා කරන විදිහටම කියන්න පුළුවන්. “මේ ප්ලාස්ටික් බෑග් එක අයින් කරන්න” කියලා කිව්වොත්, AI එකෙන් ඒක අයින් කරනවා. මේක හැම Google Photos පාවිච්චි කරන කෙනෙකුටම ලැබෙනවා.
සමස්තයක් විදිහට ගත්තොත්, Pixel 10 එක තාක්ෂණික විස්තරවලට වඩා ස්මාර්ට් අත්දැකීමකට මුල්තැන දෙනවා.
මීට අමතරව අලුත් Pixel Watch 4 සහ Pixel Buds 2A එළියට දාලා තියෙනවා.
