ජාත්‍යන්තර වශයෙන් YouTube මගින් විශාල ප්‍රසිද්ධියක් ලබාගත් MrBeast දැන් ව්‍යාපාරිකයෙක් ලෙසද බලවත් ලෙස ඉදිරියට යමින් සිටියි. ඔහු සිය ව්‍යාපාරික අධිරාජ්‍යය වැඩිදියුණු කිරීමට මිලියන ගණනක ආයෝජනයක් ලබා ගැනීමට සැලසුම් කරමින් සිටින බව Bloomberg වාර්තා කරයි. මෙම විශාල ආයෝජනයත් සමග MrBeastගේ ව්‍යාපාර වටිනාකම $5 බිලියනයක් දක්වා ඉහළ යා හැකි බව විශ්ලේෂකයින් පෙන්වා දෙති.

මෙම ආයෝජනය, Feastables සහ Lunchly වැනි ඔහුගේ ජනප්‍රිය වෙළඳ නාම සහ වීඩියෝ නිෂ්පාදන ව්‍යාපාරය සඳහා වෙනම සමාගමක් යටතට ගෙන යාමට සැලසුම් කර ඇත.

MrBeast පසුගිය වසරේ ඔහුගේ ව්‍යාපාර වලින් ඩොලර් මිලියන 400ක ආදායමක් උපයාගෙන ඇත. මෙය ඔහුගේ ව්‍යාපාරික ශක්තිය සහ ව්‍යාපෘති කළමනාකරණ හැකියාව පැහැදිලිව පෙන්වයි.

මේ වනවිට විශාල ආයෝජන ආයතන සහ උසස් මට්ටමේ ආයෝජකයන් සමඟ ඔහු සාකච්ඡා පවත්වමින් සිටින අතර, මෙය විශාල ව්‍යාපාරයකට ඔහු පිවිසීමේ ආරම්භයක් බව සැලකිය හැකියි.

ඔහුගේ මෙම නව උත්සාහය සාර්ථක වුවහොත්, Digital Influencer කෙනෙකුගෙන්, සාර්ථක ව්‍යාපාරිකයකු බවට පත්වන තීරණාත්මක මොහොතක් බවට පත්වී ඇත. මේ සියලු සැලසුම් සාර්ථක වුනහොත් MrBeast YouTube නිර්මාණකරුවෙකු පමණක් නොව ප්‍රබල ව්‍යාපාරිකයකු ලෙස ඉදිරි වසරවලදී හැඳින්විය හැකියි.