අද Gucci කියන්නේ ලෝකයේම ඉහළම තලයේ තියෙන, ලක්ෂ ගණන් වටිනා handbags සහ ඔරලෝසු නිපදවන brand එකක්. ලෝකයේම ඉන්න ධනවත් අය, සිනමා තරු, සහ ප්‍රසිද්ධ පුද්ගලයින්ට මේක brand එකක් විතරක් නෙවෙයි; ඒක status symbol එකක්!
දුප්පත් Leather භාණ්ඩ සාදන්නෙකුගේ පුතා
මේ කතාව පටන් ගන්නේ 1881 මාර්තු 26 වෙනිදා ෆ්ලෝරන්ස් නගරයෙන්. Guccio Gucci ගේ පියා Gabrielle, leather භාණ්ඩ හදන සාමාන්‍ය කෙනෙක්. එයාගේ පොඩි කඩේ ගොඩක් වෙලාවට හිස්. මේ නිසා Guccio ගේ පවුලේ ජීවිතේ ගෙවුණේ ලොකු අමාරුවකින්.
පොඩි කාලේ ඉඳන්ම Guccio එයාගේ තාත්තගෙන් leather වැඩ ඉගෙන ගත්තා. තාත්තා විඳින දුක, කරන struggle එක එයා හොදටම දැක්කා. සමහර වෙලාවට ගෙදර වියදම් ටික කරගන්න තාත්තා පාඩුවට තමයි බඩු වික්කේ.
Guccio වයස අවුරුදු 17 දී පාඩුව නිසාම තාත්තට කඩේ වහන්න වුණා. ගෙදර තත්ත්වේ නරක අතට හැරෙනවා දැකලා, Guccio තීරණය කළා London යන්න.
London වල ලැබුණු ජීවිතේ පාඩම්
London වල රස්සාවක් හොය හොයා ඇවිදින අතරේ, එහේ තිබුණු විශාලතම සුඛෝපභෝගී Hotel එකක් වුණු Savoy Hotel එකේ රස්සා තියෙනවා කියලා Guccio ට දැනගන්න ලැබුණා. හැබැයි එයාගේ පරණ ඇඳුම් නිසා Hotel එකට ඇතුල් වෙන්නවත් හම්බුණේ නැහැ.
Guccio යාලුවෙක්ගෙන් suit එකක් ඉල්ලාගෙන, පිළිවෙළට ලෑස්ති වෙලා Savoy Hotel එකට ගියා. එතන එයාට රස්සාවක් ලැබුණා. මුලින් පිඟන් සේදීම, ඊට පස්සේ waiter, අන්තිමට liftman විදිහට එයා වැඩ කළා.
මේ liftman රස්සාව කරන අතරේ, Guccio ට ලොකු මිනිස්සු, politicians, artists වගෙ අයව ලඟින්ම දකින්න ලැබුණා. අමුත්තන්ගේ බඩු උස්සනකොට එයාගේ ඇහැ ගියේ එයාලගේ suitcases දිහාට. එයා කවදාවත් දැකලා නැති designs, උසස් materials! ඒක luxury ලෝකයක්!
ඒ suitcases වල මිල දැනගෙන Guccio ට පුදුම හිතුණා. එයා හිතුවේ නැහැ එච්චර ගණන් suitcases තියෙන්න පුළුවන් කියලා.’
ඒත් එතනදී එයා business ගැන පළමු පාඩම ඉගෙන ගත්තා: දෙයක Quality එක හොඳ නම්, මිනිස්සු ඕනෑම ගානකට ඒක ගන්නවා, මොකද ඒක එයාලට Status Symbol එකක් වෙන නිසා!
Guccio ගේ හිතට ආවා, “මටත් මෙහෙම ලස්සන bags විකුණන්න බැරිද?” ඒ හීනය එයාගේ හිතේ තදින්ම තැන්පත් වුණා.
ආපසු ගමන සහ අත්තිවාරම
London වලින් පස්සේ, Guccio European Rail Company එකේ වැඩ කළා. ඊට පස්සේ ඉතාලියට ඇවිත් luxury bags හදන Franji කියන Company එකේ වැඩ කළා. හැම තැනකදීම, හැම රස්සාවකදීම, එයා අලුත් දෙයක් ඉගෙන ගත්තා. ඒ හැම දේම එයාගේ ඉලක්කයට ලං වෙන්න උදව් වුණා.
1921 දී, වයස අවුරුදු 40 දී, තමන්ගේම කඩයක් දාන්න තරම් සල්ලි එයාට එකතු වෙලා තිබුණා. හැබැයි කඩේ පටන් ගන්න කලින්, එයාට ලොකු බයක් තිබුණා. “තාත්තාට වගේ මගේ කඩෙත් පාඩු වුණොත් මොකද කරන්නේ?”
එයාට දැන් ස්ථිර රස්සාවක් තිබුණා, ළමයින්ගේ වගකීම තිබුණා. අවුරුදු 40 දී මේ තරම් risk එකක් ගන්න එක ගැන එයා දෙගිඩියාවෙන් හිටියා.
එතකොට එයාගේ බිරිඳ Aida එයාගේ අතින් අල්ලලා කිව්වා: “ඔයා අවුරුදු ගාණක් තිස්සේ උත්සාහ කරපු ව්‍යාපාරය පටන් ගන්න. හොඳ හෝ නරක, අපි එකට බලාගමු!”
Gucci ගේ උපත
ඒ වෙලාවේ Guccio ෆ්ලෝරන්ස් වල Vaglieria Guccio Gucci නමින් එයාගේ කඩේ පටන් ගත්තා. එයා එයාගේ bags වලට ඉතාලියේ සාම්ප්‍රදායික නිර්මාණ එක්ක නවීන English style එකක් එකතු කළා.
හැබැයි ආරම්භය පහසු වුණේ නැහැ. අලුත් brands වලට මිනිස්සු ලේසියෙන් හුරුවෙන්නේ නැහැ. අවුරුදු එකක්, දෙකක්, තුනක් ගෙවී ගියා. ඒත් එයාගේ වැඩ කටයුතු ගෙවුණේ අමාරුවෙන්.
ගොඩක් අය කිව්වා luxury bags විකුණන එක පොඩි කඩකාරයන්ට කරන්න බැරි වැඩක්, ඒක ලොකු brands වලට විතරක් සීමා වුණ දෙයක් කියලා.
ඒත් Guccio ට Aida ගෙන් නොනවත්වාම සහයෝගය ලැබුණා.
ලොව වටා ව්‍යාප්තිය
ඊට පස්සේ ටිකෙන් ටික Gucci brand එක ජනප්‍රිය වෙන්න ගත්තා. මිනිස්සු එයාගේ bags වල quality එකට සහ design වලට ආස කළා.
1938 දී Guccio රෝම වල එයාගේ දෙවනි කඩේ පටන් ගත්තා. ඊට පස්සේ, 1953 දී එයාට අවුරුදු 72 දී, එයා නිව් යෝර්ක් වල එයාගේ පළමු ජාත්‍යන්තර store එක විවෘත කළා.
එ වෙනකොට ලෝකයේම ඉන්න movie stars, celebrities, businessmen ලා Gucci bags සහ අනිත් products ගන්න පටන් අරන් තිබුණා.
දුප්පත් කොල්ලෙක් තමන්ගේ කැපවීම සහ will power එකෙන් ලෝකයේම සුඛෝපභෝගීම brand එකක් නිර්මාණය කරලා තිබුණා.
හැබැයි Guccio ගේ ජීවිතේ ගමන එතනින්ම ඉවර වුණා. නිව් යෝර්ක් store එක විවෘත කරලා දවස් දෙකකට පස්සේ එයා ජීවිතයෙන් සමුගත්තා.
Guccio Gucci ගේ මේ කතාව ජීවිතේ ලොකු dream එකක් දකින ඔයා වගේ හැමෝටම ලොකු inspiration එකක්.
