Facebook කියන්නේ ලොව ප්‍රසිද්ධම සමාජ ජාල වේදිකාවක්. අපේ ජීවිතයේ වැදගත් මොහොතවල්, මිතුරු සබඳතා, පවුලේ මතකයන් වැනි දේවල් Facebook මඟින් බෙදා හදාගන්න අපි වැඩි අවකාශයක් ලබාගන්නවා. නමුත්, ඔබ මියගිය පසු ඔබේ Facebook ගිණුමට සිදුවන්නේ මොකක්ද?

Facebook සමාගම මියගිය පුද්ගලයින්ගේ ගිණුම් කළමනාකරණය කිරීමට විශේෂ ක්‍රමයක් සකසා තියෙනවා. ඒවායින් ඔබට ප්‍රධාන වශයෙන් තෝරාගත හැක්කේ Memorialized Account ලෙස පවත්වාගෙන යාම හෝ සම්පූර්ණයෙන්ම ඉවත් කර දැමීම යන අංග දෙකයි.

Memorialized Account

Facebook ගිණුම Memorialized කළහොත්, එය මියගිය පුද්ගලයාට ගෞරවයක් දැක්විය හැකි මතකයක් ලෙස පවත්වාගන්න පුළුවන්. මෙහිදී:

ගිණුමට “Remembering” (මතක් කරනවා) යන වචනය එකතු වේ.

මියගිය පුද්ගලයාගේ මිතුරන්ට එය බැලිය හැකි නමුත්, එහි ඇති අන්තර්ගතය වෙනස් කළ නොහැක.

මිතුරන්ට සහ පවුලේ අයට මතක සටහන්, අදහස් ප්‍රකාශ කළ හැක.

Memorialized ගිණුම් ආරක්ෂිත වන අතර, එයට නැවත කිසිවෙකුට ලොග් විය නොහැක.

මිතුරන්ට එම ගිණුමෙන් Friend Request යැවිය නොහැක.

මියගිය පසු ගිණුම මකා දැමීම

ඔබට ඔබේ Facebook ගිණුම මියගිය පසු සම්පූර්ණයෙන්ම ඉවත් කරන ලෙස සැකසිය හැක. මේ සදහා ඔබට Account Settings තුළ “Delete After Death” විකල්පය ක්‍රියාත්මක කළ යුතුය.

මෙය ක්‍රියාත්මක කරා නම්, ඔබ මියගිය පසු:

ඔබේ Facebook ගිණුම සහ එහි ඇති සියලුම දත්ත (පෝස්ට්, පින්තූර, විඩියෝ) ස්ථිරවම මකාදමනු ලබයි.

කාටවත් එය නැවත ප්‍රයෝජනයට ගන්න බැහැ.

පවුලේ හෝ මිතුරන්ට Facebook වෙත Memorialization Request එකක් යැවීමෙන් ඔබේ ගිණුම මකා දැමිය හැක.

Legacy Contact (පෙර නිශ්චිත පුද්ගලයෙක් නම් කිරීම)

Facebook තුළ ඔබට ඔබේ ගිණුමට ඔබ මියගිය පසු පාලනය කළ හැකි Legacy Contact (නියෝජිතයෙකු) නම් කිරීමේ හැකියාව ලබාදී තිබෙනවා. ඔබ Memorialized ගිණුමක් තෝරාගෙන ඇත්නම්, මෙම Legacy Contact පුද්ගලයාට:

ඔබේ ප්‍රොෆයිල් පිටුවේ සැකසීම් කළ හැක.

ඔබේ නම වෙනස් කළ හැක.

ඔබ වෙනුවෙන් Tribute Post (ගෞරවනීය පෝස්ට්) එකතු කළ හැක.

ඔබේ ගිණුමට නව මිතුරන් එකතු කිරීම කළ හැක.

නමුත්, Legacy Contact කෙනෙකුට ඔබේ පුද්ගලික මැසේජ් කියවිය නොහැක.

ඔබේ Facebook ගිණුම සඳහා ඔබේ තීරණය අදම ගන්න!

අපේ ජීවිතය නොනියමිතයි. එබැවින්, ඔබේ Facebook ගිණුමට මියගිය පසු සිදුවන දේ අදම සැකසීම වැදගත්.

Memorialized Account – ඔබේ මතකය පවත්වා ගැනීමට කැමති නම්, Legacy Contact කෙනෙකු නම් කරන්න.

Delete After Death – ඔබේ ගිණුම සම්පූර්ණයෙන්ම මකා දැමිය යුතු නම්, Delete After Death විකල්පය සක්‍රිය කරන්න.

Facebook Settings > General > Memorialization Settings යන්න භාවිතයෙන් ඔබේ තීරණය අදම ලබාදිය හැක.

ඔබේ මරණයට පසු ඔබේ සමාජ ජාල ගිණුම් ගැන ඔබේ පවුලේ අයට සහ මිතුරන්ට අපහසුතාවයක් නොමැතිව ක්‍රියා කළ හැකි ආකාරයට අදම ඔබේ තීරණය ගන්න!