Kanye West සහ ඔහුගේ බිරිඳ Bianca Censori 2025 ග්‍රැමි සම්මාන උළෙලට පැමිණි ආකාරය නිසා හට විශාල ආර්ථික පාඩුවක් සිදුවී තිබෙනවා. ඒ ඔවුන් දෙපළ සම්මාන උළෙලේ රතු පලසේ පෙනී සිටියදී, Bianca Censori නිරුවත් ඇදුමකින් සැරසී සිටීම විශාල විවාදයකට ලක්වුණා. මෙම සිදුවීමෙන් පසු, Kanye Westට ටෝකියෝ ඩෝම් හි පැවැත්වීමට නියමිතව තිබූ ප්‍රසංග දෙකක් සඳහා වූ මිලියන 20ක ඩොලර් ගිවිසුමක් අහිමි වී ඇති බව වාර්තා වනවා.

ජපානයේ ආයෝජකයින් මෙම ක්‍රියාව “අමුතු” සහ ජපාන සංස්කෘතියට අනුකූල නොවන ලෙස සලකා, ගිවිසුමෙන් ඉවත් වී ඇති බව සඳහන්. ජපානයේ කාන්තා අයිතිවාසිකම් සහ කාන්තාවන්ගේ ගෞරවය පිළිබඳ සංවාද ඉදිරියෙන් පවතින බැවින්, ඔවුන් මෙම ක්‍රියාවට විරෝධය පළ කර තිබෙනවා.

ඇතැම් අය සදහන් කරන්නෙ, “ඔහුට දැන් ජපානේ සාදරයෙන් පිළිගැනීමක් නැහැ. ඔහු ජපානයේ මෙවැනි හැසිරීම් පිළිබඳ සහනශීලීත්වය වැරදි ලෙස තේරුම් ගත්තා” යනුවෙනි.

මෙම සිදුවීමෙන් පසු, Kanye West ට ජපානයේ වැඩිදුර ප්‍රසංග පැවැත්වීමේ අවස්ථා සීමා විය හැකි බවටද අනාවැකි පළ වේ. ඔහුගේ මෙම ක්‍රියාව තුලින් ජපාන සංස්කෘතියේ සීමා සහ සම්ප්‍රදායන් පිළිබඳ වැරදි අවබෝධයක් ලෝකයට ජනිත කරන අතර, එය ඔහුගේ ජාත්‍යන්තර ප්‍රසංග සඳහාද බලපෑම් ඇති කළ හැකියි.