ජේම්ස් කැමරන්ගේ ජීවිත කතාව හොලිවුඩ් ඉතිහාසයේ අතිශය සාර්ථක කතාවකි. 1954 දී කැනඩාවේ උපත ලැබූ ඔහු, 17 වන වියේදී කැලිෆෝර්නියාවට පැමිණෙනවා. ඉස්කෝලෙදී භෞතික විද්‍යාව අධ්‍යයනය කිරීම ආරම්භ කළද, පසුව ඉංග්‍රීසි භාෂාවට මාරු වී, අවසානයේ ජේම්ස් එයාගේ අධ්‍යාපනය අත්හරිනවා. 20 වැනි වියේදී ඔහු ට්‍රක්රථ රියදුරෙකු සහ පාසල් පිරිසිදුකරුවෙකු ලෙස වැඩ කරන්න ගන්නවා, මේ කාලයේදී චිත්‍රපට පිළිබඳ  දැනුම ලබා ගන්න ජේම්ස්ට හැකි වෙනවා. 1977 දී ‘ස්ටාර් වෝර්ස්’ චිත්‍රපටය නැරඹීමෙන් පසු, ඔහු සිනමාකරණයට ඇලුමක් ඇතිව, ට්‍රක් රියදුරු වැඩ අත් හරිනවා.

1978 දී කෙටි චිත්‍රපටයක් නිර්මාණය කිරීමෙන් පසු, ජේම්ස්, Roger Corman ස්ටුඩියෝවෙහි කුඩා ආකෘති නිර්මාණකරුවෙකු ලෙස සේවය කරනවා. 1980 දී ‘Battle Beyond the Stars’ චිත්‍රපටයේ කලා අධ්‍යක්ෂවරයා ලෙස, 1981 දී ‘Escape from New York’ සහ ‘Galaxy of Terror’ චිත්‍රපටවල කණ්ඩායම් සාමාජිකයෙකු ලෙසත් කටයුතු කරනවා. 1982 දී ‘Piranha II: The Spawning’ චිත්‍රපටයේ මුල් අධ්‍යක්ෂක Miller Drake සහ නිෂ්පාදකයා අතර ඇති වූ මත භේදයක් හේතුවෙන් Drake ව්‍යාපෘතියෙන් ඉවත් වෙනවා. ඒ අනුව, ජේම්ස් අධ්‍යක්ෂක ධූරය ලබනවා සහ මෙය ඔහුගේ පළමු චිත්‍රපට අධ්‍යක්ශනය වෙනවා. කෙසේ වෙතත්, චිත්‍රපටය විශාල වාණිජ අසාර්ථකත්වයකට මුහුණපාන ලදී.

එම අවුරුද්දේම, හැලෝවීන් සහ අනාගතයෙන් පැමිණෙන අභියෝගකාර රොබෝ මිනිසෙකු පිළිබඳ සිහිනයකින් ප්‍රේරණය ලබා, කැමරන් තම පළමු චිත්‍රපට තිරකතාව ලියන්න ගන්නවා. ඔහු විවිධ ස්ටුඩියෝවලට යෝජනා කළද, නව අධ්‍යක්ෂකයෙකුට අවස්ථාවක් ලබාදීමට කිසිවෙකු කැමති වුනේ නෑ. Gale Anne Hurd නම් Pacific Western Productions ආරම්භකයා, කැමරන්ගේ තිරකතාව ඩොලර් 1කට මිලදී ගැනීමට එකඟ වූ අතර, කැමරන්ට චිත්‍රපටය අධ්‍යක්ෂණය කිරීමට අවස්ථාව ලබා දීමට එකඟ විය. Hemdale Pictures නම් කුඩා ස්ටුඩියෝවක සහයෝගය ලබා ගෙන, කැමරන්ට ඇමරිකානු ඩොලර් මිලියන 6 කට අධික නොවන මුදලක් ලබා දුන්නේය. මෙම චිත්‍රපටය ‘ The Terminator’ නම් වූ අතර, 1984 දී නිකුත් වූ විට ඩොලර් මිලියන 78 ක ආදායමක් ලබා, කැමරන් සහ ප්‍රධාන නළු ආර්නල්ඩ් ෂ්වාර්ට්සනේගර් දෙදෙනාම සුපිරි තාරකා වෙන්න පුලුවන් උනා.

‘ The Terminator’ හි සාර්ථකත්වයෙන් පසු, කැමරන් ‘Aliens’ (1986), ‘Terminator 2: The Judgement Day’ (1991), ‘The Abyss and True Lies.’ (1994), ‘Titanic’ (1997), සහ ‘ Avatar’ (2009) වැනි සාර්ථක චිත්‍රපට රැසක් අධ්‍යක්ෂණය කළේය. ඔහුගේ චිත්‍රපට සමස්ත වශයෙන් ඩොලර් බිලියන 8 කට අධික ආදායමක් ලබා ඇති අතර, ඔහු හොලිවුඩ් ඉතිහාසයේ අතිශය සාර්ථක අධ්‍යක්ෂකයන්ගෙන් එක් අයෙකු ලෙස සැලකේ.