ලංකාවෙත් හැදුන හොඳ ස්ටෝරි එකක් තිබුන අවසානේ ඔලුව කර්පට් වෙන mystery thriller film එකක් තමා 1985 අවුරුද්දේ රිලීස් වෙන මූ අරුක්ගොඩ හඳපු “චන්නයි කෙල්ලෝ දෙන්නයි” කියන්නේ.
මට ආයේ මේ ෆිල්ම් එක බලන්න ලැබිලා නෑ ලැබුනත් මම ඒක බලන්නෙත් නැ හේතුව මට මේ ෆිල්ම් ඒ කාලේ දැනුන කුතුහලය සහ භීතිය මුසුවුණු මතකය මම දැන් ආයෙත් බැලුවොත් නැතිවේවි කියන බයට.
ෆිල්ම් එක ගොඩක් අයට බලන්න බැරි වෙයි කියලා මට හිතෙන නිසා මම පොඩ්ඩක් ස්ටෝරිය ලියන්නේ ස්පොයිල් කරලා.
කතාවෙ ස්ටෝරිය මුලින්ම පටන් ගන්නේ සබීතයි අනෝජයි නාන්න ගිහින් ඒ වතුරට අනෝජා වැටෙන සීන් එකකින්. ඒක බලන් ඉන්න ගමට අලුතින් ආපු චන්න(රවින්ද්‍ර) මේකට හොඳටම හිනාවෙනවා.
රවින්ද්‍ර ගමට එන්නේ සබීතාගේ පවුලේ තේ ෆැක්ටරි එකේ මැනේජර් විදිහට (මතක විදිහට) , කෝම හරි සබීතාගේ හොඳම යාළුවා තමා අනෝජා. අනෝජා කියන්නේ ක්ලබ් වල සිංදු කියන ජනප්‍රිය ගයිකාවක්.
රවින්ද්‍රගේ මුලින්ම හිත යන්නේ සබීතට. ඒත් රවින්ද්‍ර ඔක්කෝටම හොරෙන් අනෝජය ලයින් දාන්න පටන් ගන්නවා. අනෝජා රවින්ද්‍රට කැමති වුනත් රවින්ද්‍රව මග අරින බව රවින්ද්‍රට දැනුන නිසා රවින්ද්‍ර තීරණය කරනවා අනෝජා තනි කරගෙන එයාගේ අදහස අනෝජට කියන්න.
මේ වෙනකොට සබීතයි රවින්ද්‍රයි පෙම්වතුන් වෙලා හිටියත් අවසානේ රවින්ද්‍ර සබීතට හොරෙන් අනෝජව හම්බවෙන්න හෝටලයකට යනවා.
මේ වෙලාවෙ රවින්ද්‍ර ඇයට අවංකවම අදරය කරන බව තේරුම් ගන්න අනෝජා රවින්ද්‍රට ඇගේ සඟවාගෙන සිටි අතීත අදුරු කතාවක් කියන්න පටන් ගන්නවා. ඒ අනෝහා ආදරය කරන්න බය ඇයි කියන හේතුව රවින්ද්‍රට පහදන්න ඕනකමට.
අනෝජා ඉතා අඩු වයසින්ම ඒ කාලේ ජනප්‍රිය ගායකයෙක් එක්ක විවාහ වෙනවා. අනෝජා පස්සෙයි දැන ගන්නේ මේ ගායකයාගෙන් අනාත වුන ගෑණු ළමයෙක් කලින් දිවිනසාගෙන තියෙන බව, ඒත් අනෝජා මේ මනුස්සයව විශ්වාස කරගෙන ජීවත් වෙනවා. හැබැයි මේ ගායකයා සමාජයට අනෝජාව හදුන්වලා දෙන්නෙ අනෝජා එයාගේ නංගි විදිහට.
මේ ගායකයාම තමයි අනෝජව ක්ලබ් වල සිංදු කියන්න යවන්නේ මේ ක්ලබ් එකකට එන පොහොසත් වියපත් සල්ලිකාරයෙක් මේ අතරේ අනෝජට විවාහ යෝජනාවක් ගේනවා. ඒ වන විටත් විවාහ වෙලා ඉන්න අනෝජා මේ වයසක මනුස්සයට කැමති වෙන්නේ නෑ. ඒත් අනෝජාගේ හස්බන් ප්ලෑන් කරන්නේ අනෝජව මේ වයසක හාදයට කසාද බන්ධලා දිලා උගේ බූදලේ අයිතිකරගන්න.
කොහොම හරි අවසානයේ මේ වයසක මනුස්සයා අනෝජා මේ ගායකයාගේ නංගි නෙවෙයි වයිෆ් බව දැනගන්නවා. මෙයින් පසු වෙන ගැටුමකදී පස්සේ අනෝජා අතින් මේ වයසක පොහොසත් සල්ලිකාර නාකි මනුස්සයා මැරෙනවා.
මේ බොඩිය දෙන්නා එක්ක හංගලා සල්ලිත් අරන් යන අතර තුර අනෝජාගේ හස්බනුත් නොසිතූ මොහොතක ඇතිවුන ගැටුමකින් පස්සේ මැරෙනවා.
ඉතින් කාටවත් නොකියා සිටිය මේ අභිරහස් කතාව අනෝජා අකුරක් නෑර රවින්ද්‍රට කියන්නේ රවින්ද්‍ර ගැන ඇයට ඇතිවුන විශ්වාසය නිසයි.
ඒත් ඉතින් ඊට පස්සේ වෙන සිදුවීමත් එක්ක තමා කතාව සම්පූර්ණයෙන්ම කනපිට පෙරලෙන්නේ. අනෝජා මේ ආදරයට වහල් වෙලා ඇගේ අතීත කතාව සම්පූර්ණයෙන්ම පාපොච්චාරණය කරලා තියෙන්නේ පොලිස් රහස් පරික්ෂකයෙකුට බව අනෝජා දැනගන්නකොට වෙන්න තියෙන ඔක්කොම දේවල් වෙලා හමාරයි.
රවින්ද්‍ර කියන්නේ මියගිය සල්ලිකාර වයසක මනුස්සයාගේ අභිරහස් මරණය පිළිබඳව සොයන්නට පත් කළ රහස්පොලිස් නිලධාරියෙක් වන අතර අවසානයේ අනෝජගේ අතට මාංචු දාලා ඔහුගේ සාර්ථක මෙහෙයුමක් එතනින් අවසන් කරනවා.
ඒත් රවින්ද්‍ර එයා දැක්ක ලස්සනම කෙල්ල වුන සබීතවනම් අමතක කරන්නෙ නෑ. එයා තමා අවසානයේ රවින්ද්‍රගේ සැබෑ ප්‍රේමය වෙන්නේ.
ඒ දශකයේ කඩවසම්ම නළුවෙක් වුන රවින්ද්‍ර එක්ක ඒ දශකයේ නැගී එන යොවුන් නිළියන් දෙදෙනෙක් එක්ක තිබුන තිර ගැලපීමත් එක්ක මේ ෆිල්ම් එක ඇත්තටන ලස්සනට තියෙන්න ඇති.
