Skip to content 
2025 වසරේ හේමාල් රණසිංහ රංගන දායකත්වය ලබාදෙන පළමු සිනමාපටය වන “ICE CREAM” මාර්තු 06 වැනිදා සිට දිවයින පුරා සිනමාශාලාවල තිරගත වීමට නියමිතය.
ප්‍රදීප් ධර්මදාසගේ අධ්‍යක්ෂණයෙන් මෙය සිනමාවට පැමිණෙන පළමු චිත්‍රපටය වන අතර, සිනමාපටයේ කතාව ජනප්‍රිය රංගන ශිල්පි කළණ ගුණසේකර විසින් රචනා කර ඇත.
මුඩුක්කු නිවාසයක ජීවත් වන දුදූ නම් තරුණයෙකුගේ ජීවිතය පදනම් කරගෙන “ICE CREAM” චිත්‍රපටය නිර්මාණය වී ඇත. දුදූගේ ළමා සිහිනය වූ නළුවෙකු වීම සඳහා කරන කැපකිරීම්, ඔහුගේ ආදර කතාව, සහ ජීවිතයේ රියැලටි සහ ෆැන්ටසිය අතර ඇති වෙනස මෙම සිනමාපටය තුළින් ඉදිරිපත් වේ.
මෙම චිත්‍රපටයට හේමාල් රණසිංහ, සරත් කොතලාවල, අයිෂාරා අතුකෝරල, බිමල් ජයකොඩි, දමිතා අබේරත්න, ජයලත් මනෝරත්න, වීණා ජයකොඩි ඇතුළු ප්‍රවීණ සහ තරුණ රංගන ශිල්පීන් රැසක් රංගන දායකත්වය ලබාදී ඇත.
ප්‍රදීප් ධර්මදාසගේ පළමු අධ්‍යක්ෂණ කෘතිය වන “ICE CREAM” චිත්‍රපටය, ආදරය, සිහින සහ ජීවිතය ගැන නව ආකල්පයක් ලබාදෙන කතාවක් ලෙස සැලකෙන අතර, මාර්තු 06 වැනිදා සිට ප්‍රේක්ෂකයින්ට එය රසවිඳිය හැකි වේ.
