මුකේෂ් අම්බානි කියන්නෙ ආසියාවේ ධනවත්ම පුද්ගලයා. ධනයත් එක්කම එන විශාලම ප්‍රශ්නය තමයි ආරක්ෂාව. ඒ නිසාම ඔහු දැන් ඉන්දියාවේ පළමු වෙඩි නොවදින Rolls Royce Cullinan එක මිලදීගෙන තියෙනවා. අම්බානි පවුලට ලක්ෂ ගණන් වාහන තියෙනවා කියලා හැමෝම දන්නවා. ඔවුන්ගේ Garage එකේ Rolls Royce Cullinan SUV වාහන 10ක් පමණ තියෙනවා කියලා වාර්තා වෙනවා. හැබැයි, මෙය ඔහුට හිමි වන පළමු වෙඩි නොවදින Cullinan එක.
මෙම වාහනයේ විශේෂත්වය නම් හරිම අළුත්. මෙම මෝටර් රථය සන්නද්ධ ආරක්ෂක සැලසුමක් සහිත රථයක්. Rolls Royce කියන්නේම සුඛෝපභෝගී වාහන බ්‍රෑන්ඩ් එකක්, ඒ නිසා මෙයත් අතිවිශේෂයි. මෙය යූරෝ මිලියන 1.8 පමණ වටිනාකමක් තිබෙනවා.
මෙම වෙඩි නොවදින Cullinan එකේ පළමු ඡායාරූප දැකගත හැකි වුණේ Automobili Ardent India කියන ඉන්ස්ටග්‍රෑම් පිටුවේ. පසුව චන්දිගාර්හි පැවති වෙඩි නොවදින මෝටර් රථ වැඩමුළුවේදී එය විශේෂිත පුද්ගලයින්ගේ අවධානයට ලක්වුණා.
අම්බානි පවුලේ වාහන එකතුව ගැන කතා කරද්දී Rolls Royce Phantom, Rolls Royce Ghost, Tuscan Sun Cullinan, Black Badge Cullinan වැනි වාහනත් එයාලගේ ගරාජ් එකේ තියෙනවා. 2022දී ඔවුන් තවත් Rolls Royce Cullinan එකක් මිලදී ගත්තා. දැන් නම් ඉන්දියාවේ පළමු වෙඩි නොවදින Rolls Royce Cullinan එකත් තමන්ගේම කරගෙන, ආරක්ෂාව සහ සුඛෝපභෝගීභාවය එකසේ තබාගන්න ඔහුට හැකිවෙලා තියෙනවා.
