වැලන්ටයින් ඉතිහාසය සම්පූර්ණයෙන්ම ආදරණීය සහ ආගමික සැමරුමක්. 5 වන ශතවර්ෂයේ අවසානයේ, Gelasius පාප්තුමා විසින් පෙබරවාරි 14 ශාන්ත වැලන්ටයින් දිනය ප්‍රකාශයට පත් කරපු දවසේ ඉඳලා අද වන තුරුම පෙබරවාරි 14 වන දිනය සැමරුම් දිනයක් විදිහට සලකනවා.
වැලන්ටයින් දිනය කියන්නේ කැලැන්ඩරයේ ස්ථිර දිනයක්. ලුපර්කාලියා නම් පුරාණ රෝමානු දින දර්ශනයට අනුව පෙබරවාරි මැද නිවාඩු දිනයක් තිබිලා තියෙනවා. සමහර ඉතිහාසඥයින් වැලන්ටයින් දිනය ආදරයට හේතු වූ බව විශ්වාස කරනවා. ලුපර්කාලියා කැලැන්ඩරයට අනුව ඔවුන් එම නිවාඩු දවසේ සශ්‍රීකත්වය සැමරූ අතර, බඳුනක බහා ලූ නම් තෝරා ගැනීමෙන් පිරිමින් සහ කාන්තාවන් ජෝඩු කරන චාරිත්‍රයකුත් එදාට සමරලා තියෙනවා. පුරාණ ග්‍රීසියේ මිනිසුන් සියුස් දෙවියන්ගේ සහ හේරා දේවතාවියගේ විවාහය සඳහා ශීත ඍතුවේ මැද උත්සවයක් මේ කියන කාලෙදි සමරලා තියෙනවා.
ශාන්ත වැලන්ටයින් දිනය කියලා කියන්නේ කතෝලික ආගමේ මංගල්‍ය දිනයක්. ක්‍රි.ව. 500 දී පමණ එය පූජනීය දින දර්ශනයට එකතු වෙනවා. කොහොම වුණත් මේ අද පවතින වැලන්ටයින් දිනයට හේතු වන පුරාවෘත්ත කතා කීපයක් තියෙනවා.
මේ කතා කරන ශාන්ත වැලන්ටයින් කියන පියතුමා මිථ්‍යාදෘෂ්ටික ආගමට හැරීම ප්‍රතික්ෂේප කළ අතර රෝම අධිරාජ්‍යයා වන ක්ලෝඩියස් II විසින් ඔහුව ඝාතනය කරලා තියෙනවා. ඔහුගේ මරණයට පෙර, ඔහුගේ ජේලර්වරයාගේ රෝගී දියණිය ආශ්චර්යමත් ලෙස සුව කිරීමට ඔහුට හැකි වෙනවා. පසුව ඔහු ඔහුගේ පවුලේ අය සමඟ ක්‍රිස්තියානි ආගමට හැරෙනවා. ඉන්පස්සේ ඒ දියණියත් මේ පියතුමත් පෙම්වතුන් වුනා කියලා තමයි කියන්නේ.
තවත් පුරාවෘත්තයක් පවසන්නේ ටර්නිහි ශාන්ත වැලන්ටයින් නම් බිෂොප්වරයා නිවාඩුවේ සැබෑ හේතුව බවයි. මේ ශාන්ත වැලන්ටයිනුත් ඝාතනය වෙනවා. මේ ශාන්ත වැලන්ටයින් කියලා කියන්නේ රෝමානු පූජකයෙක්. විවාහ වීමට තහනම් සොල්දාදුවන් සඳහා මංගල උත්සව සිදු කරලා දුන්නු කෙනෙක්, රෝම අධිරාජ්‍යයාගේ නියෝගයක් නිසා ඒ කාලේ සොල්දාදුවන්ට විවාහ වෙන එක තහනම් කරලයි තිබුණේ. ඒ හින්දා තරුණයින්ට විවාහ වෙන්න බැරි වුණා. මෙම ශාන්ත වැලන්ටයින්, සොල්දාදුවන්ට ඔහුව හඳුනා ගැනීමට උපකාර කළ ආදරයේ සංකේතයක් වන කූපිඩ් සහිත මුද්දක් පැළඳගෙන හිටියා. තවද, සුබපැතුම් පත් වල පූර්වගාමියා ලෙස, දෙවියන් වහන්සේට ඔවුන්ගේ ආදරය කිතුනුවන්ට මතක් කිරීමට ඔහු කඩදාසි හදවත් ලබා දුන්නා..
මෙම පුරාවෘත්තය නිසා ශාන්ත වැලන්ටයින් ආදරයේ අනුශාසක සාන්තුවරයා ලෙස හඳුන්වනු ලබනවා.
අද වන විට ලෝකයේ හැමෝම වැලන්ටයින් දිනය සමරනවා. ආදරණීය පුද්ගලයින්ට කාඩ්පත්, මල්, චොක්ලට්, සහ විශේෂ තෑගි ලබාදීම සාමාන්‍ය විදියට සිදුවෙනවා. විශේෂ ආදරණීය රාත්‍රී ආහාර වේලක් ගැනීම සහ ආදරයෙන් නිදහසේ මොහොතක් ගත කිරීමද ජනප්‍රියයි. විශේෂයෙන්ම සමාජ මාධ්‍ය ඔස්සේ ආදරය ප්‍රකාශ කිරීම සහ ආදරණීය පෝස්ට් පළ කිරීමද මේ දිනයේදී දැකිය හැක.
ලොව විවිධ රටවල් විවිධ ආකාරයට වැලන්ටයින් දිනය සමරනවා. අමෙරිකාවේදී කාඩ්පත්, මල් සහ චොක්ලට් තෑගි ලෙස ලබාදීම ජනප්‍රියයි. ජපානයේ කාන්තා පිරිස විසින් පිරිමි අයට චොක්ලට් ලබාදීමේ චාරිත්‍රයක් තියෙනවා. දකුණු කොරියාවේ පෙබරවාරි 14 වැනිදා පිරිමි පුද්ගලයින්ට තෑගි ලබාදීමක් සිදුකෙරෙන අතර, මාර්තු 14 වනදා (White Day) කාන්තා පිරිසට වෙන්වෙනවා. පිලිපීනයේ විවාහ උත්සව රැලි පැවැත්වීමද ජනප්‍රියයි. එවිට, ජෝඩු රැසක් එකම වේලාවේ විවාහ වෙමින් ආදරණීය මතකයන් නිර්මාණය කරනවා.
වැලන්ටයින් දිනය කියන්නේ සම්පුර්ණයෙන්ම ආදරය සැමරීමේ අවස්ථාවක්. එය පිරිසක් පමණක් නොව ලෝකයම නිදහසේ හා සාමකාමී ආදරය බෙදාගන්නා දිනයක් බවට පත්වුණා. එබැවින්, ඔබත් මේ වසරේදී ඔබේ ආදරය ප්‍රකාශ කරලා මනරම් මතකයක් සාදන්න!
