Skip to content 
අද වන විට ඇමරිකාවේ තරුණ පරපුරට මුහුණදීමට සිදුව ඇති මුදල් අර්බුදය ඉතාමත් ඉහලයි. 2022 – 2023 අතර කාලයේදී, Baby Boomers වයස් කාණ්ඩයේ අයගේ ණය තරමක් පහත වැටුණු අතර, Gen X කාණ්ඩයේ ණය සුළු ප්‍රමාණයකින් ඉහළ ගියා. Millennials කාණ්ඩයේ ණය 8%කින් වැඩිවී තිබුණි. එහෙත් Gen Z පරපුරේ ණය 15% කට වඩා ඉහළ ගියේය.
යෞවනයන්ට අද ඇමරිකාවේ ආර්ථික වාතාවරණය තුළ ජීවත් වීම වඩාත් දුෂ්කර වී ඇති අතර, විශේෂයෙන්ම Gen Z කාණ්ඩය අධික ණය බරින් ගිලෙමින් සිටී.
වැටුප් සහ මිල ඉහල යාම
අද ඇමරිකාවේ අවම වැටුප ඉතා පහළ ය. අද වැටුප් ඉහළ යනවාට වඩා අත්‍යවශ්‍ය භාණ්ඩ සහ සේවාවන්ගේ මිල ඉහල යාම වේගවත්ය. උදාහරණයක් ලෙස, 2013 දී වයස අවුරුදු 22-24 ක පිරිසක් සාමාන්‍යයෙන් වාර්ෂිකව $52,000ක් උපයා තිබේ. නමුත් අද වන විට එය $45,000ක් පමණ වේ. එය උද්දමනය සැලකිල්ලට ගත්විට ඉතාමත් පහල වැටී ඇති අගයකි.
Gen Z පරපුරට ලැබෙන ආදායම අඩු වීම, එම පරපුරේ ණය ආදායම් අනුපාතය (Debt-to-Income Ratio) ඉහළ යාමට හේතු වී ඇත. 2013 දී එය 11.76% ක් වුවද, අද වන විට එය 16% ඉක්මවා ගොස් ඇත.
නිවසක් මිලදී ගැනීමේ අර්බුදය
නිවාස මිල සහ කුලිය ඉහළ යාම නිසා තරුණ පරපුරට ස්ථායි වීමට නොහැකි වී ඇත. වයස්ගත පරපුරේ බොහෝ දෙනා නිවෙස් මිලදී ගන්නා අතර, Gen Z සහ Millennials කාණ්ඩයට එය දුෂ්කර වී ඇත. 2019-2023 අතර කාලය තුළ කුලී මුදල 30% කින් ඉහළ ගියද, වැටුප් 20% කටම සීමා වී ඇත.
නිවසක් මිලදී ගැනීමේදී අද ඇති බාධක ඉතාමත් ඉහළය. ඇමරිකාවේ සාමාන්‍ය නිවසක මිල $400,000 ඉක්මවා ඇති අතර, ණය ලබා ගැනීමේ පොලී අනුපාතය 7% ඉක්මවා ඇත.
අධ්‍යාපන ණය – තරුණ පරපුරේ විශාලම බරක්
Gen Z සහ Millennials පරපුරේ බොහෝ දෙනාට විභාග සමත් වී උසස් අධ්‍යාපනය ලබා ගැනීම උදෙසා බොහෝ ණය ගැනීමට සිදුව තිබේ. නමුත් උසස් අධ්‍යාපනය ඔවුන්ගේ ආර්ථික අනාගතය ආරක්ෂා කරන්නේ නැත.
2013 දී සාමාන්‍ය උසස් අධ්‍යාපන ගාස්තු වසරකට $10,000ක් පමණ වුවද, අද වන විට එය $21,000 ඉක්මවා ඇත. පෞද්ගලික විශ්ව විද්‍යාල සඳහා එය $52,000 දක්වා ඉහළ යාමක් පෙන්නුම් කරයි.
Doom Spending – විනාශාත්මක වියදම් සංස්කෘතිය
Doom Spending යනු තරුණ පරපුරේ නවතම ආර්ථික වියසනයයි. නිවසක් මිලදී ගැනීමට නොහැකි වීම, අධික ණය බර, සහ වැටුපක් නොපැමිණීමෙන්, ඔවුන් කෙටි කලකට ප්‍රීතිය ලබා ගැනීමට වියදම් කරති.
TikTok, Instagram වැනි සමාජ මාධ්‍ය තුළ අතිශයින් මෝඩිකව භාණ්ඩ මිලදී ගැනීමේ උනන්දුවක් ඇති වී ඇත. “වැඩියෙන්ම මම සතුටු වන්නෙ ඇඳුම්, ගමන් බිමන්, සහ පුද්ගලික මනාපවලට වියදම් කළාමයි” යනුවෙන් Gen Z තරුණයෝ සටහන් කරති.
Doom Spending මඟින් Buy Now, Pay Later සේවාවන් හරහා තරුණ පරපුර ණය වලින් තවත් ගැලවිය නොහැකි ලෙස පහතට වැටේ.
තරුණ පරපුරේ අනාගතය
අද තරුණ පරපුරේ බොහෝ දෙනා රජයෙන් සහාය පතයි. නමුත් ආර්ථිකය නැවත යථා තත්ත්වයට පත් කිරීම සඳහා විශාල ප්‍රතිපත්ති වෙනස්කම් අවශ්‍ය වේ.
වසර 50කට පෙර සාපේක්ෂව සලකා බලන විට, අද වන විට තරුණ පරපුරේ ණය බරපතල තත්ත්වයකට පත්ව ඇත. එහි ප්‍රතිපලයක් ලෙස, ඔවුන් අනාගතය පිළිබඳව අවිශ්වාසී වී ඇති අතර, ඉතිරි කිරීම වෙනුවට වියදම් කිරීමට යොමු වී ඇත.
“අපේ පරපුරේ අනාගතය ගැන මට බයයි” යනුවෙන් බොහෝ තරුණයින් ප්‍රකාශ කරති.
